Mae ITSO (y Sefydliad Cardiau Call Cludiant Integredig) yn fenter strategol sy'n cael ei chefnogi gan brif sefydliadau cludiant bysiau a rheilffordd y Deyrnas Gyfunol a Llywodraeth y DG er mwyn darparu system cardiau call digyffwrdd rhyngweithredadwy ar gyfer cyhoeddi a gwirio tocynnau. Mae rhagor o wybodaeth ynglyn ag ITSO ar gael yn yr erthygl 'ITSO — An Introduction', sydd ar gael yn ein hadran pamffledi neu drwy ymweld â www.itso.org.uk

Mae gan Ecebs ymrwymiad i hyrwyddo ITSO, ac maent yn cynnig amrywiaeth o gynhyrchion a gwasanaethau..

ISAM

Yr elfen bwysicaf yw'r Modiwl Cymhwysiad Diogeledd ITSO (ISAM), sydd ar gael bellach mewn fersiynau 3 folt a 5 folt. Mae'r ISAM wedi ei leoli yn y dyfeisiau cyhoeddi a gwirio tocynnau, ac mae'n darparu'r modd i ddarllen a gwirio cardiau call digyffwrdd sydd wedi eu cyhoeddi gan amrywiaeth o weithredwyr cludiant. Mae manyleb lawn yr ISAM ar gael drwy ein hadran dogfennau, ac mae modd darllen gwahanol erthyglau fel cefndir yn ein hadran Archif Newyddion.

I archebu ISAM'au, cysylltwch ag enquiries@ecebs.com

ISMS

Cafodd ISMS (System Rheoli Diogeliad ITSO) ei chynllunio a'i hadeiladu gan Ecebs. Mae cwmni Royal Bank of Scotland, ar ran cwmni ITSO Limited, yn gweithredu ISMS mewn amgylchedd tra diogel a gwydn. Pwrpas ISMS yw darparu'r allweddau cryptograffig angenrheidiol a'r diogeliad angenrheidiol ar gyfer holl elfennau amgylchedd ITSO. Mae hyn yn galluogi i Aelodau trwyddedig o ITSO fod yn hyderus ynglyn â chywirdeb cyffredinol y cynlluniau sydd ganddynt sydd â chydyffurfiad ITSO.

AMS/HOPS

Fel y cwmni a gynlluniodd yr ISAM ac ISMS, mae Ecebs mewn sefyllfa unigryw i ddarparu’r systemau ychwanegol sy'n ofynnol ar gyfer cwblhau amgylchedd ITSO. Y mae gofyn i'r System Rheoli Asedau / System Brosesu'r Gweithredwr Lletyol (AMS / HOPS) reoli'r ISAM'au sydd wedi eu gosod yn yr offer terfynell man gwasanaeth (POST), yn ogystal â darparu'r llifoedd data ar gyfer integreiddio'ch cynllun ITSO.

Mae'r Royal Bank of Scotland wedi defnyddio ein sgiliau unigryw er mwyn cyrraedd sawl carreg filltir bwysig gyda'u AMS / HOPS. Hon oedd yr AMS gyntaf i gael ei hachredu gan ITSO, a'r AMS gyntaf i gomisiynu ISAM'au 'byw' (rhywbeth sydd bellach yn cael ei wneud mewn niferoedd mawrion fel mater o drefn); ac mae'r ISAM'au hyn wedi ei gwneud yn bosibl cynhyrchu cannoedd o filoedd o gardiau ITSO.

Hyfforddiant ITSO

Mae Ecebs yn rhedeg rhaglenni hyfforddiant undydd ar gyfer datblygwyr sy'n dymuno gwybod mwy ynglyn â sut i fanteisio ar dechnoleg safon agored ITSO. Mae'r cwrs, 'Implementing ITSO — A Technical Introduction', yn cael ei rhedeg yn rheolaidd yn ein swyddfeydd yn East Kilbride; neu, trwy drefniant arbennig, gellir ei chynnal mewn man cyfarfod cydgyfleus. Os hoffech gael mwy o wybodaeth am y cwrs hwn, neu os hoffech i gwrs penodol gael ei gynllunio i ddiwallu'ch anghenion chi, cysylltwch ag enquiries@ecebs.com

Y tu hwnt i'r amgylchedd ITSO, mae Ecebs yn gallu darparu dyfeisiau a systemau cyhoeddi a gwirio tocynnau at holl ofynion byd cludiant. Mae hyn yn cynnwys meddalwedd sy'n cefnogi cardiau adlwythadwy cymhwysiad-sengl, cardiau aml-gymhwysiad llawn, a chardiau rhyngwyneb deuol, ar ffurfiau cyffwrdd a digyffwrdd. Yn ychwanegol at hynny, rydym yn gallu darparu meddalwedd terfynell a systemau rheoli gyda'n technoleg Multefile. Buasem yn hapus i drafod unrhyw ofynion sydd gennych. Mae gwybodaeth bellach ar gael yma, ond buasem yn falch o helpu gydag unrhyw ofynion ynglyn â chardiau call.